شعر في وصف الجمال الطبيعي
يَ مساء اللي مغيّر لي حياتي
انت في عمري مثل نقطة تحوّل ..!
فيك احس المساء له تأثير ذاتي
وكل مساء يمرني احلى من أول .
***
اعشقيني رجل في عزّته ساكن
واجهري بي عشق يا بنت الحلال
اعشقيني ماني بطمّاع ... لكن
خايف تروحين لـ أشباه الرجال"
***
ذاك ، حتى لو تركني لـ المهالك
يبقى عندي دون كل الناس غير
يكفي انه لا سألني كيف حالك
يبتسم حالي ولو : ماني بخير
***
أنا ما دريت ان البنفسج سرق عطرك
وحلوالعسل مسروق من ريقك الحالي
وشِعر الغزل والحب مسروق من شَعرك
ولون الشفق من لون ملبوسك الغالي
***
يوم قفىّ ظن مَ فيني حنآن !
ينتظر مني أنآدي له وأنوح ،
مَ درى إنيّ : بآقي ب نفس المكآن
منصدم منه وأردد مَ يروح
***
قالت بنام . وقلت انا راح اسهر
قالت تعب . قلت التعب لا نمتي
من حظنا المعكوس واللي يقهر
اقوم لا نمتي وانام ان قمتي
كيف أبوصف جمالك بإختصار ؟
و كيف أبوصف دلالك في شطر ؟
طـلّـتك فـاتـنه مـثـل الـمـهـار
و جيّـتـك غـالـيه مـثـل الـمـطـر
يكـفي الـورد من وصفك يـغاااار
أنـتي أُنـثى عـلى هـيئة عـطـر
***
صمتها عقل وثقل بنت الحلال ،،
وان حكت منطوقها مثل العسل ،،
ماخبرت ان الكحل بالخد سال ،،
رمشها من والي الكون اكتحل ،،
***
تحّنت وخلت لهن المناكير
متغطرسه ماكل شي تحبه
دايم توقف بين بيض الغنادير
من شان تلحقهم ملام ومسبه
***
غردي ف إذني وصبي بسمتك ف عيوني
و إستريحي ف الضمير و حاجتك مقضيه
كيف ما اقيد حروفي و أستبيح لحوني
و انتي أغلى من سكن ف الكوره الأرضيه
***
الهنوف اللي غنجها خلقه ورباني
كنها تقطرغنج ماحلا الحكي من فمها
من مواليد الشمال وجدها عدناني
ومختلط دم الجنوب اليعربي مع دمها
***
يـ أعذب من الورد وألطف من أنسام الغروب
وألين من اللين وأذرب من أذرب جوهره
كل ما شفتك تجر الخطاوي دوب دوب
قلت كيف يجوع خصرٍ عذوقه مثمره
***
يامترفـه ، ياغنـج ، يامزيونه
يافاتنـه ، يجمل نسـاء العالـم
عليك عين(ن) فالهوى ملعونه
من شافها ماراح .. لأهله سالم
***
غنجا لذيذة ريق عفا صغيره
عزلا دقيقه خصر خف احركتها ..
أليا وقفّت كلن يعذرب قصيره..
وأليا إجلست ياطول رز ارقبتها
***
***
مربربه لعنبو ، حيك و دبدوبه !
وأنا ذبحني الحنين الله يعافيني
يامنوة الشفقان وياكل مطلوبه
بردان تكفين أبي حضنك يدفيني
***
شَافني أبكي ولا سمّى علي
معجبه منظر عيوني بالدموع
كل ماقلت أكرهك ما أبيك لي
ضحكته تسأل من اللي فالضلوع
***
ياهــلا بالزيـن كلّـه ، والتغنّـج ، والدلالي
والله أن الشوق يمّك زايد(ن) فيني زياده
لو دريتي بعد صدّك وش من الدنيا جرالي
ماتقول إلا غريبٍ (هزّه) الشوق لبلاده..!
***
يـا مجـرمـه يـا طاغيـه يـا عنيـده
في المبسم الذبّـاح وعيـونك السـود
أشوف في نظرة عيـونك قصيـده
وأشوف في خـدك سنا بارق رعـود
***
يا أميرة غنج يا قمة انوثه ..
كل شى(ن) حلو بك ولك يليق...
يوم حبيتك ما على حبّي حسوفه..
من يشوفك يا غناتي ويشتهي غيرك عشيق
***
يشتآق لك قلبٍ عرف قيمتك صح
شوقٍ يسآوي شوق طفله لبوهآ
كآن الظروف لشوف غالي تسمح
تعـال شـف ، غيبتكْ يـآلـعنبوهآ
***
ا فيه غيرك يالاميره اميره
وانا الامير اللي على العرش وياك
اموورتي يا حلوتي يا صغيره
يا جعل كل اللي على الارض يفداك
***
ماتركتك بالرضاء لكن زماني ..
مارضى يجمع حبيبٍ مع حبيبه '
لو أضمّك باليدين وبالمحاني ..
كل واحد مايجيه ألا نصيبه
***
(الخصر ) يرسم إنحدارات التلال
و ردوفها من ثقلها ( تلعبّ بها )
يفوح منها ( المسك )والـخمر الحلال
كنّه على ذيك الشفاه ( يصبّها)
***
لا حرام أكرهك وانت الحلال الحرام
ليه احملك ذنب الحب وذنوبي
ليه أجي كارهٍ نصفي وصوتي هدام
احفر عيوب غيري وادفن عيوبي
***
والله اني ف الموادع م رضيت !
منكسر : صمتي واداري ، عبرتي
بطلبك حاجه م دام انّك / قوييت
رد لي قلبي / و ردلي : بسمتي !
***
العيـون السـود فـي عينـك تضيع
يـاعسـل عينـك مثـل لـون العسـل
:
شفت انا في نظررتك شيٍ فضيع
لـفتتك عجلـه وفي رمشـك خجل..!
***
مزيونه الخدين من دون مكياج
ماهمها المكياج !! واخر موديله
وعيونها للكحل وشلون تحـتـاج
الكحل ماهو للعيون الكحيله
***
جاوبي صوت الغرام اليا ظهر فـ عيوني
عاشقك مهما يواجه ما يواجه شوقه
ٰ
وقفي في وجه عذال الهوى من دوني
مثل ما ياقف عزيز النفس دون حقوقه.
***
حبيبتي فيها من الحسن آيه
ومع كل رمشت عين يكبر غلاها
حذرتها من : عينها و المرآيه
أخاف تحسد روحها من حلاها
***
ياللي تركت آلنفس تسهى بالآبيات
بتنام نام وياعسى نومتك غير
تصبح على عطر وفرح وإبتسامإت
وتصبح على حبي وتصبح على خير
***
يانشغالي فيك عن غيرك وعني
يادفاك اللي معيّشني بأمانه
:
انت أول شخص يعشقني مع اني
ماعطيته شي يعشقني عشانه .
***
وجهك شِعر وعيونك اجمل قصيده
تغانمي حرفي وغنّي على القاف
كيف آتكلم عنك وانتي الوحيده
اللي ابيها صدق رُغم اني آخاف !
***
كل شارع في غيابك يمتلي ب الذكرى
ويمتلي ب الناس وكنه في عيوني فاضي
في عيونك شفت للدنيا سعاده اخرى
وفي غيابك ما بقى لي غير وجه الماضي
***
رتبيني م ااحبّ الفوضويه ،
لملميني من حدودي والغرقَ ..
احضنيني ل صَدرك الدافيّ شويه
ۈسمّي بسم اللہ عليّ من الارقّ
***
قلت لك ما أبيك رغم إني أبيك
وقلت لك بنساك لكن ما وعدتك
جيت قبلك وأنا حالف ما أجيك
أنتظرتك . تفتقدني . وأفتقدتك
***
احلف ان الزين لاطلت وراثه
والشموخ اللي من الغيمه قريب
حقها لا من تباهت في ثلاثه
بنت امير وبنت شيخ وبنت طيب
***
الجو يشبهها وهي تشبه الجو !
و اثنينهم روعه وفيهم حلاوه ,,
بـ عيونها القمرا وبـ خدودها الضو !
وفيها خليط من الحضر والبداوه
***
مادريت ؟اشصار فيني!! ما دريت؟
جفن عيني من حلا وجهك شرق!!
شافتك عيني وفزت وستحيت
قمت اغض الطرف في وجهي عرق
***
لو لي مثل قلبك تمنيت فرقاك
واكيد قبلك بالجفا صرت بادي
حلوه عذاريبك وحلوه مزاياك
حتى بيوم فراقنا كنت هادي
***
شعاع خَدَّك ينّور كل ما بنتي
حتى القمر نورك يغطي على نوره
:
ٰماالوم شايبك يوم يقول يـ بنتي
ماكل من سمي بـ نوره طلع نوره..!
***
والله ان مالي عليك اي اعتراض
خاطرك مدري ؟ وش اللي شايله
حرقة غيابك مثل - حر الرياض
في طريق خريص عز القايله
***
عطرك البارح من الضيقة كسرته
قلت : أغيّب ذكرياته في غيابك
بس كيف أكسر عطر حبٍ نثرته
في دروب العمر يوم الله / غدابك !
***
قومي وقولي صباح الخير ثم نامي
وأسف على أزعاج نومك من ملذاته
عشان أحسب الصبح ھذا من أيامي
طلـتـك لازم تـكـون أول بـدايـاتـه !
***
وصفها بين العجب والمستحيل
أخجلت عـوب القصايد والأدب
كل شيٍ تلبسه يصــــبح جميل
بأختصار أطلق مزايين العرب..!
***
وجهك جميل وفيه للحسن آيه
ماهو بـ في حاجه لـ وردك وفلترك
اخذي كلامي واسمعي لـ النهايه
انتي حلا عاشقك ماانتي حلا الترك..!
***
كل صبح اجمّع اشواقي لها واهديها
لين شامت من وعدها لي ونفسي شامت
مستحيل يمرّ صبحي دون لا اطرّيها
ومستحيل اصبّح العالم وهي ماقامت
***
ٰيـوم طاح " الملح " من نونك ونونك
زدت " ملح " ورحت اهوجس وآتفكّر
وش هو اللي طاح من ساحل عيونك
يمكن انك من " حلاك " تْذوب سكّر !
***
قالوا الحلا والزين هـ الوقت انعدم
وين الحلا والحسن هٰذاك المثير
:
قلت الحلا موجود في بنت الكرم
في الفاتنه اللي ينادوها ( سحر )
***
إيه يا العنقا الشناح الغضه المغناجه
إستميلي بالخفوق اللي ملكتي حُبـه
وش يهمك والخفوق اللي لبستي تاجه
جاك كله ما عطاك الود .. حبـه حبـه