لو غبت لحظه كل مابي يتمناك
صعبه حياتي يا حياتي بدونك
اهيم بصوتك وهمسك ولقياك
حتى مع الاحلام مااقدر اخونك
***
هذي علوم الأمس .. شوق , وتهاني
واليوم فرقى .. نكسّت كل الاعلام
من غاب .. والفرقى تدك المحاني
ولا زالت عيوني على شوفه حيام
أقولها .. والشوق .. جمره كواني
أقولها .. والضيق .. مسْهرني أيام
ياوجد حالي كان طيفه لفاني
وجد العجوز الي لها ( عشرة ) أيتام
من ضيقتي كل شي حولي بكاني
ياضيقتي لا هنتي شوّي بـ نام
وان ضاقت الدنيا .بوجه الأماني
على الأمل عايش ولوّ كلها أحلام
***
قالوا بعقلـك ضايـع الفكـر منكـوب
قلـت المـوده ماتداويهـا الاطـبـاب
عقلي معي ماني مـن العقـل مسلـوب
انا الغريـق وكـل شـيٍ لـه اسبـاب
كان انكم تـدرون بالـي شفـى ايـوب
وجدٍ سطـى بالقلـب والحـب غـلاب
انا غريقٍ مـع هـل الحـب منسـوب
في زمرة العشـاق بالحـب منصـاب
ماطـاب لـي زادٍ ولا اريـد مشـروب
الي صفا لي صاحبي عسـل الانيـاب
يغضى بعينـه وافهـم العلـم مقلـوب
واسـري عليـه بليلـةٍ نورهـا غـاب
ويرخص لي الغالي الى حـل ماجـوب
وعن القرايب حط لـي ستـر وحجـاب
وابعدعن الشكه ولا انـوش لـه ثـوب
الا الحديـث وقرعـة النـاب بالنـاب
اخاف يصبح زين الاوصاف معيـوب
وهو عليه مـن الشـرف كـل جلبـاب
وعرضه نضيف ابيض ولا فيه عذروب
بولا حكـوا فيـه البعيديـن واقــراب
عليـه وجـدي فايـقٍ وجـد يعقـوب
وقلبي من اسبابـه بوسـط الحشـا ذاب
يلومنـي مـن لاشكـى حـب نبنـوب
طفـلٍ قرونـه ماتغطيـه الاســلاب
طفلٍ نهب عقلي بضحكـات وعجـوب
فتـان لقلـوب العشاشـيـق نـهـاب
اصبح هو الغالب وانـا منـه مغلـوب
غـدا بعقلـي بيـن شـاري وجـلاب
ان كان شفته صفـق القلـب مرعـوب
بالصـدر كنـه بيـن لاوي وجــذاب
والدمع من مـوق النظيريـن مسكـوب
يخضر ديارٍ ممحلـه عقـب الاجـداب
قالو تتوب وقلت بالطـرف مصيـوب
والله ماتـوب وصافـي الخـد ماتـاب
قالـوا تحملـت المواثـيـم وذنــوب
قلت الذنـوب لهـا موازيـن وحسـاب
قالـوا تـرى مايفعـل العبـد مكتـوب
قلت افهم الـي تذكرونـه يالاصحـاب
قالوا جهلـت وعقلـك اليـوم منهـوب
وكشفت سرك بين ربعـك والاجنـاب
قلت الهوى لقلوب الاحبـاب مرغـوب
ايات حـبٍ صـورت وسـط الالبـاب
***
انت تدري وش أجمل منك في عيني
انت لاصرت مبسوط على شاني
تكرم البسمة اللي منك تكفيني
كيف أناديك عمري والعمر فاني
كل شي خلق بك لك يناديني
إنت غير الجميع ولك غلا ثاني
قلت أبذكرك وأثرك ساكن فيني
بين عيني وعيني ما تعداني
انت تبخل بك يساري عن يميني
آه يا ليت تدري منك وش جاني
ليه لا قلت أشوفك وإنت بتجيني
جاك قلبي يسابق خطوة لساني
من سلامك نبت في راحة يديني
ألف غصن يميل من الغلا حاني
قبل تسأل من اللي لك موديني
انت وديتني والشوق وداني
سعود بن عبدالله
ــــــــــــــــــ
الحب عظم صورتك في خيالي
ولا أنت ميت قلب ماعندك أحساس
توني عرفتك بالليالي التوالي
سود الليالي تكشف الناس للناس
الحب زين صورتك في خيالي
صورة جميلة عكسها فقد الاحساس
تكذب علي في قولك اني لحالي
واني غديت بداخلك مثل الانفاس
واتقول حبك فاق وصفي وخيالي
وغيري كثير الي سمعها من الناس
صحيح حبك غلطة في الي مضالي
جرحت قلب تعرفه حيل حساس
بعرفك سود الليالي التوالي
الي اكشفت مثلك من الناس اجناس
وان كان قصدك رجعتي ماطرالي
مثلك ترى قدره على الارض ينداس
علي القحطاني
ـــــــــــــــــــــ
بصفه , يوقف , وهو , قلبي
قلبي وهو قلبي يوقف بصفه
صد وزعل لا وحلالاه يارضاه
لا واهني اللي يعرفون شفه
مدري وش اللي مزعله لا عدمناه
حلف ولكن ماوفا لي بحلفه
أنا أشهد انه حد قلبي على أقصاه
ولف تمكن واسرف بحال ولفه
عنده خبر ماني بعايش بلياه
قلبي معه لا قال الفه الفه
حتى ولو يجفا أنا ماأقدر أجفاه
لا عب قلبي لعب لا عاد عرفه
والمشكل اني لا تعاندت وياه
قلبي وهو قلبي يوقف بصفه
خالد المريخي
***
يا أول من يدينه تسعد ايديني
جهلت الحزن كله بعد معرفتك
،
طفولة ‘ وجهك ‘ النيّر تخليني
ابو.. كل ابتساماتك اذا شفتك
***
كفها الناعم مثل ريش النعام
وريقها منبع من اطراف النحل
عنقها بينه وبين الصدر عام
عينها من ربها رمش وكحل
***
الدفى ضمة وليفٍ ،،،، مايخون
لا همس مشتاق لك ثم ضمني
ولا تجرّا ،،، قلت في قلبي يمون
وكل منهو لامني ،،،،، ماهمني
***
يا لينها والرياح اخاف توجعها
الي اليا من تمشّت كنها تعاني
احجاجها خنجرٍ والعين موسعها
تبّشر اهل الفضول بموت مجاني
جتني تهزع وموتي من تهزعها
شبعان فوقيها والخصر جيعاني
***
ابشر بقلب مايبي غير طرياك
وابشر بعين ماتبي غير شوفك
وابشر بحب لوقسى الوقت يرعاك
وابشر بروح من غلاها تحوفك
ابشر وكل اللي تبي يالغلاء جاك
أمر عسى درب المنايا يعوفك
ياصاحبي يشين وقتي بلياك
لاصار ماينطق لساني حروفك
ان غبت عني يذبح القلب فرقاك
وان جيت يمي عانقتني طيوفك
امشي بكيفك على شان دنياك
واساير أيامك واقدر ظروفك
من كثر ماخوفي على قلب ينساك
سلمت لك قلب الغلا في كفوفك
مديت قلبي يوم مديت يمناك
ولعبت لك عرضة ورقصت سيوفك
لأجلك ازعل باقي الناس لرضاك
وان مت تكفى يدفنوني بجوفك
لوتجرح قليبي وتكثر خطاياك
أرقد وامن أمن الله خوفك
اليا قسى وقتك وشانت نواياك
قلي واموت برغبتك ومعروفك
قد قلت لك ياصاحبي ماقدر أنساك
حلف على روحي أبد ماتعوفك
***
جمال الكون يابندر لمحته والعرب رقاد
تجمع في غضيض العود ومتربع بكرسيه
حشا الله ماجيته ولكن في ثلاث ابعاد
لمحته داخل التلفاز والشاشه ماسيه
صدحت القول بلساني وعذته من نظرة الحساد
يشوفون الحلا كله والاوصاف والقياسيه
بنيه بس والله محد حوله بعاد غاد
تفوق الحلا العادي ب10 سنين شمسيه
تثنى عوده المياسوتلعب به هبوب أنواد
ليا ناظرت أنا شكله تقول اقواس عكسيه
شفاها جمرتين ارطى تشب بخافق وقاد
تقادح نارها يعجب ذويمله مجوسيه
وعينه عين ريميه تخزرك والعيون حداد
تفر من ارضها فزعه وكله زود حسيه
وخده ممتلي جوري ومسك وعنبر من كاد
يزين البلا لا شمه وتطرب فيه نفسيه
نحرها لا أقبلت وسعه يشابه خامة السجاد
ويشبه قصور العز الأبواب الرياسيه
بياضه ياولد نايف مزهي دون لبس قلاد
نهوده مثمرات به كما نبت الغلاسيه
خطاويها وهي تمشي تقل مربوطه بقياد
تشادي مشيت المحبوس في تهمه سياسيه
شعرها يشطره ردف وراها مكتنز يزداد
يابندر وصفها كايد ماهي والله انسيه
حلاها نادر جدا حشى مماقيل بغداد
ولا احد يشبهه بالكون سوريه وفاسيه
تحير ناظري منها وفيها انقلب وانعاد
ولا ادري وين اوجهها ولا من اي جنسيه
وصوفه تعجز القيفان تعبر كل ابو قصاد
بمدحه والغزل والوجد وابيات الرومنسيه
سبت عقلي خذت قلبي ولا عيني هنت برقاد
سبايت عبله لعنتر عقيد القوم عبسيه
تروح الروح من اجله بوقت يصير طراد
بيوم فيه ضرب ارماح وفيه الروح منسيه
يابندر شفته البارح ولا عقبه يزين وساد
ونوحي من تنحت بس يشدي نوح قيسيه
يابندربحت لك سدي وجتك ابيات تنقاد
ومسك القول وختامه تعذرن كان به سيه
***
حبيبي من ( ثمان سنين ) عدّت ماقدرت أنساك
أجل .. وشباقـي بعمـري ؟أحـاول فيـه نسيانـك
حبيبي تبّت . عروق الخفوق ليابغـى . يجفـاك
عسى موتـي قبـل يـومٍ .أفكـر فيـه هجرانـك
تخيّل طول هالمده وانـا اشـرب ماقـدرت ارواك
لك الله لـو بغيـت احلـف الـى هالحيـن ضميانـك
تخيل طول ( هالمـده ) وانـا مثـل القصيـد اقـراك
وحياتك لو بغيـت اكتـب كتبتـك باصعـب اوزانـك
انـا ماهمنـي قولـة (خلـف شاعـر) كثـر مهـواك
وأنا .. لولاك . ماقالوا : نعـم .. صـح الله لسانـك
أنـا كـل القصيـد اللـي كتبتـه سيـدي لـرضـاك
قسم بالله لقطعلك يدي..لو مـو علـى شانـك
واذا هي بس على ذيك القصيـده جعلهـا تفـداك
ألا يالعنبـو ( شعـرٍ ) يشمّـت فيـك عدوانـك
حبيبـي لاتغنيـلـي ( تهـددنـي أنــا أتـحـداك )
وربـي لـو بغنيلـك ( تصـور) ضاعـت الحـانـك
حبيبي رووووح .. لو تقدر تجافيني هنا مـأواك
عسـى الله لايعافينـي إذا فكـرت نسيـااااانـك
الشاعر : خلف المشاعر
***
قال الغلا قلت الغلا ما بعد مات
فالنايفه شامخ ولا هو بقاصر
قال المشاعر قلت هيهات هيهات
كلي مشاعر يا رقيق المشاعر
والحب كيف وقلت سرّاق بسكات
سيفه على العشاق ينهى ويامر
قال الفراق وقلت مابه سلاامات
يا شين لهفات الحبيب المسافر
قال الصبر قلت الصبر فيه لوعات
انشد وانا اللي خابرٍ فيه خابر
قال الوفا قلت الوفا خمس كلمات
عهد ووفا واخلاص والشوق حاضر
قال الخيانه ثم جريت ونات
سمٍ ذحاح برووس طعن الخناجر
قال الليالي وقلت حلوه ومرات
راجع ملفاتك وشوف الدفاتر
قال الامل وينه وتليت الآهات
على الامل باقي حبيبي وصابر
قال الهوى قلت الهوى سهام عجلات
جيش وسرايا وليل كله مخاطر
قال انت ناسي وقلت في كل الاوقات
ينبض خفوقي وصورتك بالمحاجر
بالعرق لك بالدم روحه وجيات
سكرت عن غيرك جميع المعابر
من بيننا ما حال طول المسافات
والحظ شامخ فوق ما هو بعاثر
قلت العفو يكفي من الوقت لحظات
الليل طال ونحتري شوف باكر
لا تاخذك سكه بدرب المتاهات
للصبر نقوى وانت للوصل قادر
يا حاضري ومستقبلي وكل ما فات
يا اجمل قصيدة حب في قلب عابر
انا فديت الشوق لازاد فيني
لاقلت بني ميت قال انت عايش
كانك تزيديني عقل ياسنيني
باالله خليني مع الحب طايش
***
حظ الحمامة تلقط الحـب وتحـب
شفـة فتـاة ربهـا اللـي قبلهـا
بنت صغيرة تاخذ العقـل والقلـب
تلعب مع فـرخ الحمامـه وتلهـا
جاها الغريب وقال يا مطعم الحب
أطعم غيور غيرته مـا احتملهـا
واقفت لاهلها تلعن الطير وتسـب
ما ادري زعل ولا غضبها زعلهـا
هذا وأنا لانـي متيـم ولا صـب
لاشك روحي غردت مـن هبلهـا
والروح لا طربة ترى مالها طـب
غير القصيـد اللـي يـروح مللها
والقلب لا شاف التعاجيب يعجـب
والنفـس عيـت لا تخلـي زللها
والعين صدتها عن الزين تصعـب
وأنا ادري انه ياملا مـن جهلهـا
ياهل الجماله خبرو حلـوة النـب
اللي حمام الورق يهـوا غزلهـا
قولو لها ليه اهل الهوى مالهم رب
لا جاوروهـا تشتكيهـم لاهلهـا
خالد سعود الكبير
***
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
ياصلك شعري وأنا مابعد أصل
كل ما أقدم دروبك لي تضيق
ارتويت الشعر فيني للثمل
وصرت أهوجس في قصيدي وأستريق
ليتني يازين في عمر الجهل
وليت ربي ماجعلني لك عشيق
قبل أعرفك كنت مو هاوي غزل