الحب زين صورتك في خيالي
صورة جميلة عكسها فقد الاحساس
تكذب علي في قولك اني لحالي
واني غديت بداخلك مثل الانفاس
واتقول حبك فاق وصفي وخيالي
وغيري كثير الي سمعها من الناس
***
اسكت وأجامل ولو ان الغبـن بعيوني
وأشـوف زرعٍ زرعتـــه يقطفه غيــري
صيّاد .. واليوم خانوني و صادوني
قصوا سبـوق الحر.. و برقعـوا طيري
ـــــــــــــــــــــــــــــــــــــــ
ما اهتمَ في الدنيا ولا اهتم فيَ الناس
لو سالت دموعي على اطراف جنبي
همي إجابه اللوعات بـ احسااس
يالله عسَاني ما اعدم ضحكات حبي
ــــــــــــــــــــــــــــــــــــــ
لا لاتلوم القلب يوم إنه اغلاك
وش حيلتي مدام قلبي عصاني
غصب علي قلبي يوديني هناك
جيت اشتكي لك من عذاب الزماني
ياروح روحي وش حياتي بلياك
لاشفت زولك ارتبك في مكاني
ــــــــــــــــــــــــــــــــــــــــ
ان غبت عني تظلم الدار والحي
وإن غاب غيرك ماعسرني غيابه
أنا بدونك زهره مالها ري
بين الهشيم وتستغيث بسحابه
مصفره الاوراق مقطوعه الفي
يبكي لها سيح الشام وهضابه
النار تكوي ضامري كي
والفكر متشتت وفاقد صوابه
ــــــــــــــــــــــــــــــــــــــــــــ
خدعوها بقولهم حسناء
والغواني يغرهن الثناء
أتراها تناست أسمي لما
كثرت في غرامها الأسماء
إن رأتني تميل عني كأن
لمتك بيني وبينها أشياء
نظرة فابتسامة فسلام
فكلام فمـــــوعد فلقــــاء
يوم كنا ولاتسل كيف كنا
نتهادى من الهوى مانشاء
وعلينا من العفاف رقيب
تعبت في مراسه الأهواء
جاذبتني ثوبي العصي وقالت
أنتم الناس أيها الشعراء
فاتقوا الله في قلوب العذارى
فالعذارى قلوبهم هواء
***
كم قلت لك يا قلبي لا تامن أحد
خلك بحر عالي وصعبه مراسيك
عند الكرامه تاخذ المسأله جد
لا تحب ولا تامن سوى من غرق فيك
إلى متى هايم ولا تحط لك حد
تعبت أبرر لك وانصح و اواسيك
العالم اتغير ولا حد بقى لحّد
حتى اللي حبيته توقع يخليك
***
معوّض خير ياحيٍ تهقوى في الزمـان ومـال
سنينك لو رقيـت بعدلهـا يطرحـك مايلهـا
تعلّم وإعرف إن الدرب قدامك سهـل وجبـال
جبـال تطولهـا وجبـال بعيونـك تخايلـهـا
ومعوّض خير ياحيٍ وردت الماء بدون حبـال
يطول بك الوقوف وشربة المـاء ماتحصّلهـا
وقوفك عند راس البير مايسقيك لـو فنجـال
ولاينفعك شوف الجمـه اللـي منـت طايلهـا
ومعوّض خير ياحيٍ خدعك من الرجال أشكـال
تشوف أشكالها وتحطها أرفـع مـن منازلهـا
تعلّم من زمانك لاتصير مـن أجهـل الجهـال
ترى في كل يـوم تجيـك عبـره لاتجاهلهـا
إذا ربي وهب لك عقل تلقى في الرجال رجـال
تعرف اللـي يطلّـع قيمتـك واللـي ينزلهـا
ترى من بعض مايندي الجبين ويحرج الرجال
لياسـاق الميانـه فـي نفـوسٍ ماتقبّلـهـا
ومهما شفت في صاحبك من نخوه وطيبة فال
ترى بعض السجايـا كثـرة الإلحـاح يقتلهـا
معاريف الرجال ديون وديون الرجـال ثقـال
لياصرت متعافي ليش تغـرق فـي جمايلهـا
رصيدك في حياتك سمعتك مع طيبيـن الفـال
رجال الطيب والمعروف بالمعـروف عاملهـا
ولاتبدي بجاهـك فـي مقـامٍ مايسـر الحـال
ولاتشفـع لنـاسٍ ماتنومـسـك بفعايلـهـا
لياجاتك تعذّرهـا مـدام العـذر لـه مدخـال
ووقت الجد قول الهـا الصحيـح ولاتجاملهـا
وخذ منـي نصيحـه لاتصـدق كـل ماينقـال
يجـرك للنميمـه ليـن يطرحـك بحبايلـهـا
يجيلك ناقـل النمّـات بهـروجٍ تغـث البـال
سوالف في قفاك وحظك أطيب يـوم تجهلهـا
يبـرر بالحميـه والصداقـه شينـة الأفعـال
يجمّـل صورتـه بعلومـه اللـي ماتجمّلـهـا
ولو كانت حميه فيك رد المخطيه فـي الحـال
ولاكان إستمعها فـي قفـاك وجـاك شايلهـا
ترى من جاب لك ودّى وهذي عـادة النقـال
يحاول يقتنص من فمك كلمـه لأجـل ينقلهـا
ومثل ماقال عندك راح عنك وعند غيرك قـال
وزوّد عشر فوق الكلمه اللـي كنـت قايلهـا
تجنّب مجلسه لاتجلس إلا مع كريـم خصـال
تحمّـل ميلتـه وإن ميلـت ميلتـك ينقلها
ولاتصبر على الجار الردي لوهي ثلاث ليـال
تضـرك جيرتـه لوكـان بيبانـك تقفلـهـا
وبيع الدار بأول سومةٍ تعرض علـى الـدلال
ورزقـك عنـد ربٍ كاتـب اللقمـه وكافلهـا
وبنتك لاتزوجها الردي لوهـو كثيـر المـال
تربيهـا علـى الطـالات وتشـوّه سلايلهـا
وكم من لاش يرمي خيبة إبنه فوق راس الخال
لوإن الخال من روس الرجال ومـن دلايلهـا
ليامنك عرفـت تميّـز الطيّـب مـن البطـال
وفادتك التجارب في الحيـاة وفـي مسايلهـا
وكشفت الفرق مابين الصحيح وحيلة المحتـال
وتعلمت الفراسه في الوجيـه اللـي تقابلهـا
بعد هذي ترى مالك غنى عن صحبة العقّـال
يدلونـك بـرايٍ ينقـض الدعـوه ويفتلهـا
يقولون الرجال اللي سوالفهـم حِكـم وأمثـال
ليامن ضاعت الحيلـه يـدل القـوم عاقلهـا
نصيحة واحدٍ جرّب وشاف من الزمان اهـوال
يقدّم لـك خلاصـة هجـرةٍ جـرّب هوايلهـا
ـــــــــــــــــــــــــــــــــــــــــــــــــــــــــــــ
من زمرة الطاغوت حذراك حذراك
لا تبتلي بجروح يصعب دواها
وإلى مشيت اعرف دروبك وممشاك
احرص على نفسك وخالف هواها
أمارة بالسوء ما هي بتنهاك
اقبض عليها لين يجلى صداها
اقطع نواياها بدينك وتقواك
هلّل وعند الله سريعٍ شفاها
والعين لا تنظر بها من تعدّاك
المحصنه لو تلتفت لك وراها
اصبر على همّك وغمّك وبلواك
عف وتعفف لا يغرك حلاها
واترك حرام القوت ما هو بيملاك
كل البطون الجايعه ما ملاها
رشفة حلال اتسد جوعك ومضماك
تسوى مشاريب الحرام وغثاها
النار في جوفك وتصلى حناياك
نار الجحيم تزيد للي وطاها
واحفظ لسانك لا يجرك ويبلاك
لو غلا مشتراها اخذ الثمينه
الهرج ميزانك ويكشف خفاياك
كلمة تعيبك لا تبيّن نباها
صون الكلام وصون نفسك ومبداك
للنفس حشمة لا تفصّم عراها
اصمت مدامك عارفٍ سير مجراك
لا تنقل النّمة وتبحث خفاها
يزول قدرك عند أقرب دناياك
لو هو ولدعمّك حياتك جفاها
واحلم تراه الحلم يرفع مزاياك
هو سيّد الأخلاق هو مبتداها
وصّى به المبعوث ما هو بيخفاك
شفعينا يوم الملاقاة طرياك
خل الجهل لاتجعل الغيظ ياطاك
ترى الجهل سم القلوب وعماها
وإلى ابتليت ارفع إلى الله شكواك
لا بدّها الأيام تكشف غطاها
اصبر يزين الحظ ويزين مرماك
الله يفرجها ويدفع بلاها
لا تمنع المحروم لا من تنصّاك
الناس لأجل الناس وأحسن عطاها
ابذل لوجه الله والله يجزاك
مثل الغروس اتطيب للي سقاها
لا ضاع معروفك ولا ضاع حسناك
إن كانها لله تلقى جزاها
جارك ولو هو جار تسقيه منماك
عليه لا ترفع يدينك عصاها
أحسن جوار الجار لو كان يشناك
ترى العرب تحشم كلاب اقصراها
بكره يشد ويكتب الله فرقاك
عساه يذكر جيرتك مانساها
الظلم شين ويجعل النار مثواك
راع الظليمه عيشته ما هناها
إله العرش فوقك عالم نواياك
ينظر قلوب الناس وش محتواها
يسمع بما تجهر وعارف خفاياك
بأمره شروق الشمس ترسل ضياها
هو عالمٍ غيبك وركّب خلاياك
هو خالق فيك العروق ورواها
والضيف له حقٍ إلى حل بحماك
قلّط ضيوف الله وأكرم لحاها
لا تحقر الضيفان واتشح بغذاك
من ما عطاك الله قلّط عشاها
وعليك باللي حزة الضيق يفداك
لا شانت الدنيا ودارت رحاها
لا من زهمته لو على الموت لباك
عيني لجل عينك وروحي فداها
ترى الخوي نبراس روحك وملْجاك
لا كلّحت بقعا وزادت غثاها
حذراك من بعض المخاليق حذراك
بعض العرب ما تفرقه من نساها
تايه وضايع بين ذولا .. وذولاك
فيه الجهالة واصلٍ منتهاها
ـــــــــــــــــــــــ
أخذيني العنصري اللي صدق متعنصـر
من دون ربعي لـو أقطـع شرايينـي
أخذينـي اللـي ليامنـه طلـب يعطـا
و تكفيـن لامـن طلبتـك لا تردينـي
تكفين يـا غايتـي يـا بهجـة الدنيـا
أبحـرق قلـوب نـاس مـا تدانينـي
أخذينـي بكـل شـوق وقولـي أحبـه
و أن شككو فيـك وإلا فـي ضمينـي
قولي سعـد و الله انـه غالـي جـدا
و ياجعل فدوه شبابي و آخـر سنينـي
و انا بصـدق كلامـك و اعتنـز بالله
وباقول للنـاس مـا يعنيـك يعنينـي
و أنا على نذر ما أرخص جيتك
و أنتي نذر على أرقبتك انـك مـا تخلينـي
ــــــــــــــــــــــــ
يمشي الفقير وكل شيء ضده
والناس تغلق دونه ابوابها
وتراه مبغوضاً وليس بمذنب
ويري العداوة لايرا أسبابها
حتى الكلاب إذا رات ذا ثروة
خضعت لديه وحركت اذنابها
وإذا رأت يوماً فقيراً عابراً
نبحت عليه وكشرت انيابها
ـــــــــــــــــــــــ
ماقدرت احكي ولا انطق بكلمة
اخنقتني عبرتي وعيه لساني
يوم شفتك مع هذاك اللي تكلمه
قلت في نفسي ليت الله خذاني
ـــــــــــــــــــــــ
مالك أمل أرجع الا بشرطين
نفذ شروطي كأنك تبيني أرجع
الشرط الأول رجعتي مع فلسطين
أو خل الشمس في الليل تطلع
ــــــــــــــــــــــ
لاصـــارت هــاذي علــــومكـ راح تخســــــرنـــــــي
مــاعمــــر احـــد راح مـــــن كيفــــــــة ونــاديتــــــة
عنـــد الكـــرامـــة ابيعـــــكــ وانـــت خــابــــرنـــــــي
اللــــه وكيـــلكــ تـــرى كــل شــي مريتــــــــــــــــــة
كـــان الهــــجـــر بالســــلام روح اهـــــجــــــرنـــي
أخـــــــوي لاصـــــــد عنــــــــــي مــاتــــرجيتــــــــــة
ــــــــــــــــــــــ
ﻭﺗﺮﻛﺘﻨﻲ ﺣﻴﺮﺍﻥ ﺻﺒﺎً ﻫﺎﺋﻤﺎً
ﺃﺭﻋﻰ ﺍﻟﻨﺠﻮﻡ ﻭﺃﻧﺖ ﻓﻲ ﻧﻮﻡ ﻫﻨﻲ
ﻋﺎﻫﺪﺗﻨﻲ ﺃﻥ ﻻ ﺗﻤﻴﻞ ﻋﻦ ﺍﻟﻬﻮﻯ
ﻭﺣﻠﻔﺖ ﻟﻲ ﻳﺎ ﻏﺼﻦ ﺃﻥ ﻻ ﺗﻨﺜﻨﻲ
ﻫﺐ ﺍﻟﻨﺴﻴﻢ ﻭﻣﺎﻝ ﻏﺼﻦ ﻣﺜﻠﻪ
ﺃﻳﻦ ﺍﻟﺰﻣﺎﻥ ﻭﺃﻳﻦ ﻣﺎ ﻋﺎﻫﺪﺗﻨﻲ
ﺟﺎﺩ ﺍﻟﺰﻣﺎﻥ ﻭﺃﻧﺖ ﻣﺎ ﻭﺍﺻﻠﺘﻨﻲ
ﻳﺎ ﺑﺎﺧﻼً ﺑﺎﻟﻮﺻﻞ ﺃﻧﺖ ﻗﺘﻠﺘﻨﻲ
ـــــــــــــــــــ
النفس تبكي على الدنيا وقـد علمـت
أن السعادة فيهـا تـرك مـا فيهـا
لا دار للمرء بعـد المـوت يسكنهـا
إلا التي كـان قبـل المـوت يبنيهـا
فـإن بناهـا بخيـر طـاب مسكنـه
وإن بناهـا بشـر خــاب بانيـهـا
أموالنـا لـذوي الميـراث نجمعهـا
ودورنـا لخـراب الدهـر نبنيـهـا
أين الملوك التـي كانـت مسلطنـة
حتى سقاها بكأس المـوت ساقيهـا
فكم مدائن فـي الآفـاق قـد بنيـت
أمست خرابا وأفنى المـوت أهليهـا
لا تركنـن إلـى الدنيـا ومـا فيهـا
فالمـوت لا شـك يفنينـا ويفنيهـا
لكل نفـس وإن كانـت علـى وجـل
مـن المنـيـة آمــال تقويـهـا
المـرء يبسطهـا والدهـر يقبضهـا
والنفس تنشرهـا والمـوت يطويهـا
إن المـكـارم أخــلاق مطـهـرة
الديـن أولهـا والعـقـل ثانيـهـا
والعلـم ثالثهـا والحلـم رابعـهـا
والجود خامسهـا والفضـل ساديهـا
والبـر سابعهـا والشكـر ثامنـهـا
والصبر تاسعهـا والليـن عاشيهـا
والنفـس تعلـم أنـي لا أصادقـهـا
ولسـت أرشـد إلا حيـن أعصيهـا
واعمل لدار غـد رضـوان خازنهـا
والجـار أحمـد والرحمـن ناشيهـا
قصورهـا ذهـب والمسـك طينتهـا
والزعفـران حشيـش نابـت فيهـا
أنهارها لبن محـض ومـن عسـل
والخمر يجري رحيقا فـي مجاريهـا
والطير تجري على الأغصان عاكفـة
تسبـح الله جهـرا فـي مغانيـهـا
من يشتري الدار في الفردوس يعمرها
بركعـة فـي ظـلام الليـل يحييهـا