الا ياطفل..لا تكبر
كذا اجمل..كذا اطهر
كذا لا هم يتراكم
كذا لا ضغط ولا سكر
ترى اكبر كذبه عشناها
(يالله متى نكبر)
احلم قد ماتقدر..واذا خفت
خب احلامك بدفتر
ترى الايام سراقه
والا حلام تتبخر!
ـــــــــــــــــ
لا بارت الأرض لا ترجا وراها حصيـد
وش فايدت هالشجر لايبست غصونها
ياكثرالكلام اللي ورا صمتنا محبوس
بعد يبست أرياق الوفا في حناجرنا
قنعنا من الدنيا وعطانا الزمان دروس
عسى الله على بعض المعارف يصبرنا
ـــــــــــــــــ
معاني العشق لو تجمع وتهدى لك كما الباقة
حبيبي ما وفت قدرك ولا لبت طموحاتي
يا أطيب قلب قابلته أنا لك روح مشتاقة
تبي تجمع غنايم حبك ومصدر بطولات
أنا من يوم ما شفتك عيوني مالها طاقه
تبي ترسم لك ألوان ألمحبه والمسراتي
يا أجمل من سكن قلبي وضيّ العمر وإشراقه
احبك قلتها صادق وخطتها عبارتي
ـــــــــــــــــ
أنا جريح الأمس واليوم والغد
وهاذي جروح العمر احصي عددها
لقيت أنا الدنيا ترى ملعنة جد
فيها الكلاب السود تأكل أسدها
صدقني غيرك انت ما اشوف انا احد
ومن ماتلد مثلك خسارة ولدها,,
ـــــــــــــــــ
أبتعد وأهجر شوارعك والبيت
قلة أدبكم عجلت بالنهاية
رح في طريق في دروبه تماديت
تحت الثرى شيعت نهاية عنايا
اقسم قسم لوشفتك بيوم حنيت
لأدوس قلبك بالقدم من قسايا
آخر سؤالي كان بالحق رديت
قلي بربك وش سب هالسوايا
ـــــــــــــــــ
كرهني بنفسك لو بذنب صغير
ألقى به اعذاري وأعود لزماني
المشكله انه مابدى منك تقصير
وهذا يزود واقعك في كياني
ـــــــــــــــــ
محدن قدر يجيب اقصى دموعي
الا انت لامن غبت يسري بي الدمع
حتى طبوعك غيرت لي طبوعي
انت الغلا والحب والشوق والطبع
تبي مكانك؟ قم وطالع ضلوعي
حرام انك ماتفارق ولا ضلع!!
ـــــــــــــــــ
انتعاش الورد في لحظة وصال
والذبول انواع والفرقا قهر
والنجوم اشكال في عرض اليال
والكواكب فوق واحلاها قمر
مستحيل انساك حتى بالخيال
وان نسيتك!! حلم من بعد السهر
ـــــــــــــــــ
تسلم يمينك على"الطعنات"صحتني
ماكنت ابصحى واشوفك زين لولاها
ـــــــــــــــــ
كان فيني عيب ..قلي فيك العيب الفلاني
كان هرجي مزعلك في شي ..قلي لاتعيده
جيت مابيك تحقرني ..جيت أبيك تعز شأني
جيت آبي فزعة ضلوعك من مشاعرك الفقيده
يعلم الله شفت منك ومن غيابك ماكفاني
كان ماتقدرتخف هم قلبي..لاتزيده.
ـــــــــــــــــ
قولي تكبر قولي انسان مغرور
قولي علي اني عديم المعاني
قولي بعد ما عندي احساس وشعور
واني نسيتك وانت قلبك نساني
لا ما باعتذر منك ولو كنت معذور
ونعم معك بالذات لي طبع ثاني
ادري قهرتك بس انا كنت مقهور
ياحلم الماضي وغلطة زماني
ـــــــــــــــــ
أمداك تنسى الزعل وتقول سامحني
من بعد ذاك الخطأ ودك تراضيني
أدميت قلبي بكلمة ودمعت عيني
حاسب كلامك إذا ودك تحاكيني
ما بي أصارح ولا ودي تصارحني
لكن إذا طال صمتي لا تجافيني
ـــــــــــــــــ
فمان الله ياحب ماكمل المشوار
عرفنا مفرق الدربين و لايحتاج تكميله
ـــــــــــــــــ
مالك نصيب في دنيتي
ومالي نصيب في دنيتك
خلني اعيش بحسرتي
وانت تهنى بدنيتك
ـــــــــــــــــ
ياترى الأيام تسمح والأقيك
والايكون آخر لقانا..رسايل
ـــــــــــــــــ
يبقى الغلا لوفرقتنا المشاريه
والشرهة الي بالخواطر تروحي
كل يعاتب بعض الاحيان غاليه
والحب يبقى فوق كل الجروحي
الحب لوشانت علينا لياليه
نصبر وفى سر الغلا مانبوحي
طبع الوفا بقلوبنا مانخليه
يسري بروحه مثل ماهو بروحي
حبي على باله ولوكنت جافيه
وهو على بالي وحبه طموحي
قلبي ولو صديت وابعدت بيديه
وبنظرتي شوق القا له وضوحي
ـــــــــــــــــ
جايز غلطت وجايز انتي غلطتي
ماهو مهم الحين من كان غلطان
الي مهم الحين لامن ذكرتي
قصة غلانا فاذكريني بالاحسان
هذا قدرنا مايفيد أنك ندمتى
على الفراق أو صرت أنا يوم ندمان
الي مهم الحين أبي لو سمحتى
ذكرك بخير لماضيٍ بينا كان
ـــــــــــــــــ
ليتك تقول ابعد وانا اقول (( لبيه ))
اهون علي من صدتن مالها اسباب
ـــــــــــــــــ
ياعين لا تبكين خلن فقدتيه
تصبري وارجي من الله يجيبه
مدام هو حي مع الناس شفتيه
لو طالت الغيبه لزوم التقي به
قلبي من الفرقى تزايد بلاويه
وعهد على ما انسى غرامه وطيبه
ـــــــــــــــــ
لك ثلاث أيام في عيونك عتب
ريح أهدابك عسى عمرك طويل
يمكن أكتب فيك شي ما نكتب
ويمكن أوصل بك حدود المستحيل
ليه مختار السكوت بلا سب
لا كلام ولا ملام ولا دليل
ليا متى حزنك يجامله الهدب
سولفه والا تركه دمع يسيل
سولفه ما كل صمت من ذهب
كم عزيز راح من صمته ذليل
يا حبيبي خابر صدرك رحب
مايضيق بدمعه الحزن العليل
ـــــــــــــــــ
أعظم ذنوبي أحبك وأنت سامحني
عن كل ذنبٍ تحملته من أسبابي
يلعن أبو الحب لو الحب مالكني
يلعن أبو الصدق لوهو ساكن أهدابي
وأسألك بالله وش ناوي وريحني ؟
ياأول وآخر وأصدق وأكذب أحبابي
ـــــــــــــــــ
وش فيك متعجب لاني تغيرت
عندك خبر إن اليالي تغير .. !
كانك على تغير جسمي تحيرت
لو شفت قلبي كان فعلا تحير
شكلي تغير .. !! صح كلي تغيرت
(إلا الغلا الملعون عيا يتغير)
ـــــــــــــــــ
غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي
ـــــــــــــــــ
لاتشتكي ألمًا أنت صاحبه
لا يؤلم الجرح إلا من به الألم
ـــــــــــــــــ
خفق قلبي في دقاته يقول
يحبك للأبد والشوق يكبر
احبك موت وأشواقي رسول
تضوي لك شموع اليل تنور
أنا حبي كتبته في فصول
أنا حبي مع الأيام يكبر
ـــــــــــــــــ
وتمر أيام العذاب العديده
تمر فيني مثل دمعة وسط موق
وما كل نفس تملك الي تريده
لا صار شي يبعد النفس ويعوق
يا قصة الحرمان جيتك وحيده
أسير والماضي كما كتاب محروق
ـــــــــــــــــ
ودي أرحل وامتطي بعد المسافة
واصل المقصود لو خان الزمان
واعشق التجديف لو جاني كلافه
واجعل من الخوف في ليلي أمان
واسقي العطشان في صحرا جفافه
واتعنا له ولو باقصى مكان
ـــــــــــــــــ
لو طلعت لفوق عانقت القمر
يستحي نور البدر لا شاف خدك
لو حسبت الشوق ينبت لك شجر
تثمر أزهار العمر أضعاف حدك
لو حصرت أيام وأحلام البشر
كلها قطرة وفا من جزر مدك
ـــــــــــــــــ
مادريت ان صافي الأيام شان
لين شفت العمر غارق في بحرنا
مات الأحلام من قاسي الزمان
واليالي قالت ان هذا قدرنا
مالنا حيلة سوى كنا وكان
حظنا العاثر على دربه عثرنا
ـــــــــــــــــ
بكينا للوفا ياما بكانا
تناسينا الهوى والا نسينا
تناسانا الزمن والا نسانا
انا وياك بحر بدون مينا
على درب الشقا تمشي خطانا
عطانا الوقت بعض الي خذينا
سحابه عابره غطت سمانا
نعم ياما من الوعة شكينا
ولا حد قال عنا وش بلانا
شربنا من سرابه وارتوينا
سراب الما نبي يروي ضمانا
طردنا خلفه بخوف وضمينا
ـــــــــــــــــ
وش تخفي الأيام لي شر أو خير
وشلون باكر وش نهاية مصيره
وياك تلعبي رياح التفاكير
تقبل علي مثل الغيوم الكثيره
بس التمس لك عن خطاك المعاذير
ولي طاعني عذر .. غدرني ضميره
ـــــــــــــــــ
لك ذكريات ما تفارق خيالي
يالي معي ذكراك روح وسط روح
ضيعت في وجه اليالي سؤالي
ودمعي على خدي من الحزن مسفوح
واشياء كثيره عقب فقدك بالي
إني بلا حبك عذابات وجروح
ـــــــــــــــــ
عن غرامك عندي الحكي الكثير
ما وصلت بحبك احدود الكلام
ما يصير انساك لا لا ما يصير
وفي خفوقي لك معزه واحترام
قبلك الدنيا مثل حلم صغير
وعقبك الدنيا غرام في غرام
ـــــــــــــــــ
ماودي انك عابر كنك الطيف
واني انا نجمة وطاحت بكونك
ودي أكون البحر لك وانت لي سيف
واكون لك عمرك وقرة عيونك
واصير لك ديوان شعر وتوصيف
وفي وسط صحرا الحب تهطل مزونك
ـــــــــــــــــ
بيني وبينه يفصلن المسافات
ودموع عيني بالبكا ودعنه
لا من يعزيني ولا من مواسات
كلن تصاريف السنين اشغلنه
وأنا وحيد ضاع عمري خيالات
بس الخيال ايقرب الروح منه
ـــــــــــــــــ
أناظر الساعة في كل مره
ونبض القلب في نبض الثواني
عقارب ساعتي كنها اتشره
غريقه في بحر ماله مواني
رضيت بكل حزني والمضره
خذيت الوقت في صمت وخذاني
ـــــــــــــــــ
أحس إني بدونك أي حاجه
وسيلة تايهه من دون غايه
وأحس ان السنين ابدون شوفك
تموت وفيك من يجبر عزايه
وانا ادري كل تمثيلي بحبك
صحيح وحبنا ما هو روايه
ـــــــــــــــــ
ودي أعطي لك سنا شمس النهار
ولو بغيت الثانية نور القمر
بس أنا مالي في أقداري خيار
خيرتي إني أداري واستمر
للظروف القاسيه نتبع مسار
ما تخيرنا اهي تامر أمر
ـــــــــــــــــ
مادام أنا بالهوى كني
حب مصيره معك فاني
ودي ألاقي ك متهني
حتى ولوك مع ثاني
واكتب لك إحساس متعني
حبي معك جرح وانهاني
ـــــــــــــــــ
ما يفيد البوح في همس الكلام
والأماني مثل مجنون انتحر
يا شواطي احضني باقي الحطام
واسألي عن طيف مشتاقه عبر
يا دموع الوجد يا زخة غمام
كيف ذاك الحب يقتله البشر
ـــــــــــــــــ
يوم القصيد إشتكى من كثر ما جالك
أعظم رسايل تجيك ولا تعبرها
أقرا معانات قلبي وسط جوالك
نتايج الصد حللها وفسرها
مانامت العين ساعه سبة إهمالك
كن الرسايل تجيك وما تناظرها
ـــــــــــــــــ
لحظآت ودي أجي وآبكي على صدري
ولحظآت أخفي همومي وآمسح أحزآني
ولحظآ ت أحب آلسوآلف دآمهآ مدري
ولحظآت ألوم آلوقت آلي خذآ اماني
ـــــــــــــــــ
هرج ليآ جآني له آلقلب يرتآح
كنه يقول لضيقه آلخلق روحي
ـــــــــــــــــ
مآهو دليل آني آحب آبي شي
آلله بلآني في وآصبح آحب
ـــــــــــــــــ
تصدق لو اخسرك مارمي العالم وراي
وش عاد لواني خسرتك دام غيري رابحك
بقول لك وارجوك لوتغفر خطأي
اني من اول ماأبيك ومستحي لاصارحك
ـــــــــــــــــ
من راح على كيفه وكيفه يوديه
خله على كيفه وكيفه يجيبه
خله على كيفه زمانه يوعيه
لابد من يوم يذكر حبيبه
ـــــــــــــــــ
عند الكرامه ابيعك وانت خابرني
ماعمر احد راح من كيفه وناديته
إن كان قصدك هجر رح واهجرني
ابوي لاصد عني ماترجيته..
ـــــــــــــــــ
والله لاخلي عزتك تحت ماطاي
تمشي وعينك ماتعدى مواطيك
ابيك درس لكل خاين ونساي
وأفهمك قدرك وقيمة مباديك
والله لاهينك لين تبكي تبي رضاي
ذليل تكسر عين منهو يراعيك
ـــــــــــــــــ
راسك علامك رافعه يوم أحاكيك
الظاهر أني فوق حجمك عطيتك
لحظة نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز أنهيارك خذيتك
ـــــــــــــــــ
تحسب بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبهجرها وبهجر كل شخص لي يطريها
ـــــــــــــــــ
بطلت أحب وأعيش دنياي مرتاح
حتى الهوى غيرت فيه اتجاهي
لا حزن لا دمعه ولا ذل وجراح
لا قلب مشغول ولا فكر ساهي
بدلت كلمات الغزل جد وصياح
لا عاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
ـــــــــــــــــ
والله لو تبعد فلاهمني رضاك
واسمع كلامي زين دام انت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز اكون اول تعاطفت وياك
لكن فبالي كان ترك وكادي
لا تنفعل .. لا تثور .. لا تبر خطاك
ماينفع الغرقان مد الأيادي
ـــــــــــــــــ
لا تنصدم اذا قلت انا اليوم ما أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين ب أعمق بحورك
يالله توكل لا تجيني و لا أجيك
يالله حبيب أمك قوم رتب امورك
ـــــــــــــــــ
قصدك إني اتنازل لك و أجيك
وانحني من عقب ما قلت الوادع
مثل ما إنت ماتبيني ما أبيك
المحبة مابها غش وخداع
روح دور لك على غيري يشريك
وارتحل بالهم في دنيا الضياع
ـــــــــــــــــ
شفت المقفي وربي ما أتبعه لو خطوتين
و أصبعي وهو اصبعي لا من غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه
ـــــــــــــــــ
انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت الي يعيبني يحاول يستر ثيابه
ـــــــــــــــــ
شرهتي ياصاحبي ماهي عليك
ما ألومك! لا حشى ولا أظلمك
شرهتي . للي جعلني بين ايديك
الزمان الي دناني و عظّمك
كنت أحبك كنت أعزك كنت أبيك
كنت لكن للأسف : تو فهمتك