وينك حبيبي ليه غايب عن العيــــــن
عسى غيابك خير يااغلا المحبيـــن
عسى غيابك خير مابه مصـــــايب
من غبت عنّي كنّه العام عاميـــــــن
من غبت شبّت جوف قلبي لهايــب
أنا معك دايم على العسر و الليـــــن
لا ما تخلى لو يقلب الراس شايـــب
وانت تبادلني المشاعر وبعديـــــــن
تقسى وتجفى هقوتي بلا سبــــايب
وش هو يسمّى الصّد مابين الاثنيـن
بالذات لا صاروا اثنينه حبـــــايب
فرقا...عساها لا تجي بيننا البيـــــن
ألا ليا صرنا بتحت النصـــــــايب
والله لو أنك عن الحال تدريـــــــــن
وشلون أقاسي من بعدكم صعايـب
كان انت ترحل لي ولو كنت فالصــين
ما همّك احدٍ لو تضيق الرحايــب
يوم أن حبك جاريٍ فالشراييـــــــن
يمّي تجي وألا بعنّ الركـــــــــايب
مهما جفيتي يا هوى البال تبقيــــــن
في وسط قلبي عن سموم الهبايب
اسمع حبيبي يا منى الروح و العين
والله ماني عن هواكم بتــــــــايب
هذي حياة الحب مابين قلبيــــــــن
أما كذا وألا بلاشي حبــــــــــايب
ــــــــــــــــ
ترى غيابك خدر القلب تخديــر
ومنّك عيوني قد تزايد سهرهــا
عطني على ما قلت للوضع تبرير
عطني فداك الروح و أيضا نظرها
عن غيبتك عطني مع العلم تفسير
زايد شكوكي فيك حالي دمرهــا
احذر تسمّع يا عنا القلب للغيــر
بالك هل النمات تمشي بثرهـــا
ترى حبيبك ما حصل منه تقصير
مير الظروف القاسيات تخبرهـا
بعطيك عن حالي مع الوصف تقرير
اعرف عليك الحال زايد قهرهـا
عذبتني يا صاح بكثر المشـاوير
يا نور عينى كان يضعف بصرها
ترى غيابك خدر القلب تخديـر
وغصون حبك لا تقطع ثمرهـا
ـــــــــــــــــــ
ياطبيب الجروح عندي جراحات
أبيــك تــداوي قـلبـي المنتهـي
لــي حبيـب غـارق بـالخيـالات
دايم يظن الخيانة من صفاتي
يحسبني أخـون حبّـه بـالـذات
ما يـدري أنـي مشغول بهمّـي
ما يحتـاج أعطيـك لحبي أثبات
يكفـي أني من غيـرك أعانـي
شفت الأرض بدون مطر تموت!
أنت المطـر أشتـاق لـه ياحبيبي
أنت الزهـر وملـح الحيـاة أنت
وأنت أكـثـر النـاس على بالـي
لا تفكـر أني أنسى الذكريات
أنـت أجـمـل ذكــرى لــقلبــي
تـرى بـحـر الـمحبـة مقـامـات
وحبك لي رفـع راسي عالـي
تـرى كـلام العـذال خسـارات
وهـم يبـونك اليـوم تـفـارقني
بـس لا تـصـدق الأشــاعــات
وخلك واثـق بنفسـك وبنفسـي
تـرى كـلام النـاس متـاهـات
وحبـي عمره ما بـاع!يشتري
ــــــــــــــــ
ياغايب ارجع عواذلنا يغشونك
إش فيك صدقت ناس ما تدانيني
وش غيرك ياغلاي وغير ظنونك
خلاك حتى تغير نظرتك فيني
حلفت لي وقلت خلهم لايهمونك
مافيه قوه تفرق بينك وبيني
لو كنت تدري بغلاك بقلب مفتونك
في ذمتي ياحبيبي ماتجافيني
شفني وانا بين ناس ما يعرفونك
قصايدي فيك ياالغالي تواسيني
للموت أحبك واحب اللي يحبونك
حبك مع الدم يجري في شراييني
من كثر ما اغليك بعيوني يشوفونك
حطيتك أقرب لعيني من نظر عيني
ـــــــــــــــــ
ياغايب عني عن القلب ماغبت
الله يشهد في خفوقي مكانك
وينك حبيبي في غيابك تعذبت
ومن السهر ذبلت عيوني عشانك
اكذب عليك ان قلت لك عنكم تبت
ارجوك لاتبخل علي بحنانك
مهما حصل ولو لشوفي تجنبت
الوقت وقتك والزمن هو زمانك
حتى ولو في طعن قلبي تسببت
الذنب ذنبي !!! قلتها في لسانك
لو المحبه تنحصدمثل هالنبت
حصدتها واعلانتها في بيانك
انت الذي في مثل ماحس جربت
تقدر تغير هاجسه عن كيانك
ــــــــــــــــ
أسهرتنـي يا غـلا والنـاس هـجّـاعِ
النـوم عـنـي جـلا يا زيــن الأطـبــاعِ
الهم منـك اعتلى والصد بك شاعِ
ما قلت لي وش بلا العهد منك ضاعِ
من بدّ كـل المـلا عـيني لك تراعي
يا كـامـلٍ بالـحـلى ما للـجـنا داعــي
ارجع ترى لك وله من بين الأضلاعِ
إن جـيت لي يا هــلا مانـي بـطمـاعِ
ــــــــــــــــ
صدقيني يـا حـيـاتـي مـا تــمـــنـيــت إلا انــتـي
وإن عمري في حياتي ماوصلت لعشق غيرك
صدقيني لــو بــــيـدي امـلـكـك طــول الـحـيــاة
عـمر قـلبي يـوم حـبك ما نـوى في يوم هجرك
صدقيني وزن الدنيا بكف وانتي ياعمري بكف
كفـك الغـالب ياعـمري وتـرخص الدنـيا لغلاك
صدقيني انتي هـمي انـتي عمري انتي روحي
ينـجـرح قـلـبي وقـلـبـك مابي مـنـه إلا رضــاك
صدقيني مهما أوصف لك مدى حبي وإعجابي
مـا أوصــل معـنى حـبـك لأن روحـي في رؤاك
ـــــــــــــــ
يتيمـة فرحتـي والله يتيمـة
يـحسدوني عـلى فرحـة يتيمة
جمعنه ياس كل الخلق فينـي
خفـوقي ما قوى صدمة عظيمة
حبيبي والله إني فيك مغـرم
ونـفــسٍ مالهـا ذمّـة سقـيمــة
حبيبي كل شيء فيني ملكته
ونار الحـب فـي جوفي ظريـمــة
إذا روحي لها في حبك ذنـوبِ
هلا بذنـوبـها لو هي ظـليمــة
وإذا في حبـك إجرامٍ ارتكـبته
فـأنا كـلّي فـخر بأعظـم جريمـة
ــــــــــــــــــ
لا يــا بــعــد كــلــي حــيــاتــي تســاويك
اقــطــع وريــدي وإن نـــبض حب ثـــاني
ثـــــلات فـيــنــي كــلــهــا تــرتـبــط فـــيك
أعشــقك.. أحبـــك.. والـهــوى صــار عنواني
وإن كــان مــا تـــدري أنــا أقــول وأطريــك
حـــبك مـلــكـنــي في ضـــميري ووجــداني