كبيرة في حبها
حب البلد ما ينتوصـــف بالاشعار
والا المعاني ... والقصايد كثيرة
مهما كتبت وقلت انا .. اطوال ..واقصار
قصايدي عن حب داري ..قصـــــيرة
اخاف اوصفها والاعصــــــــــاب تنهار
تقصــر تواصـــيفي .. وداري كبــيــــرة
كبــيـــــرة في حبـــــها يااهـــــــل الدار
لو المســــــاحة بالخريطة صــــغــــيرة
صــارت كـــبــــــيرة باسمها بين الاقطار
من فضل ربــــــــي . والوجيه السفيرة
آل الصـــبـــــــاح اللي رعوا كل محتار
كم من فقير بفضلهم زاد خيره
خلوا بلـــدنا كلها انـــوار ...بانـــــــوار
درة خلــيـــجن بالوصـــــايف شهـيـرة
الله يعـــديها .. المصــايب ..والاخطار
بامرالـــــــــولي دايم بامان وســتيره
ـــــــــــــــــــ
ديرتي مامثلها
سكت الشاعر ويتكلم ضميره
يا وطن كان القوافي بك نظمها
والشعر لابد ما يشّعر بحيره
في وصوف الديره اللي يحترمها
ديرتي ما مثلها بالكون ديره
الكويت اللي عساني ما عدمها
وبالنظر مالاق بالأوطان غيره
يوم أعدي بالجبال وفي قممها
وبالسنين الاوله والا الأخيره
(بالكرم) بين الدول محدٍ هزمها
وكم فقيرٍ عاش من فضله وخيره
وعاشوا الأيتام من فايض كرمها
الكويت اللي مواقفها كبيره
دار عز وبالفخر رفرف علمها
يالله أحفظها من وجيهٍ شريره
وياعسى يفقد عيونه من ظلمها
والله ايعز (الصباح) أهل البصيره
والقياده عندهم محد استلمها
غير شيخٍ يقدر ايقود المسيره
نظرته قدام والنيه عزمها
عاش(ابو ناصر) عسى ربي بجيره
الأمير اللي على العدل ايحكمها
شيخنا اللي ما رضينا حكم غيره
والخطط للتنميه قام ورسمها
بارك الله في مساعيه الكثيره
والكويت بعهده ايرفرف علمها
(شعر: مـيـزر بـن طوالة)
ــــــــــــــــــــــــــــــــ
من رياض المجد
من ريـاض المجـد لامجـاد الكويـت
مــن ثـبـات الـعـلـم للـعـلـم الـثـبـات
جيـت أصـافـح بالتّهـانـي كــل بـيـت
للشّـهـيـد الـخـلـد والـحــي الـحـيــاه
فوق غيمة شوق من أبهـا مشيـت
مــن نـداهـا فــزّت الصّـحـرا نـبـات
سيّرتـنـي نـشـوة الـحــب وسـريــت
للكويـت الّلـي هـويـت أكـتـب غـنـاة
في غناتـي للشّـرف صـوت وصيـت
ومـن غناتـي يرفـع الفـارس حــداة
وللكرامـة عـرضـة فــي كــل بـيـت
والـسـجـايـا بـالـشـهـامـه نـايــفــات
ياالكويت الّلي على الباغي عصيت
يوم بعض الرّبع ينسـى المكرمـات
يـوم بـان الـغـدر قلـنـا لــه خسـيـت
كـــل شـيـطـان رجـمـنــاه بـحـصــاه
دارت الـدنـيــا عـلـيـهـم واعـتـلـيـت
وانهـزم جيـش النّـفـوس الخايـنـات
يالفهـد عـنـد الـوعـد قـلـت ووفـيـت
طاغيات الـرّوس عـادت صاغـرات
مااختـلـفـت ولاذخـــرت ولاشـكـيـت
شـامـخ مـثــل الـجـبـال الـراسـيـات
دلّــــك الله يالـسـنـافـي واهـتــديــت
والنّـصـر مــن عـنـد رب الكايـنـات
مـايـغــط الــحــق رجــــال بـخــيــت
مانـسـيـنـا يـالـكـويــت الـسـابـقــات
يــوم عـــز بـدارنــا حـلــو المـبـيـت
إستـضـفـتـونـا زمـــــان الـنّـايـبــات
لين ابو تركي ظهر من فوق هيـت
واصطفـق مـن نجـد لجبـال السّـراه
يـرفـع الـقـرآن والسـيـف الصلـيـت
واستـرد الحكـم مـن عقـب الفـوات
ياالصّباح وياالسعودي لـى انتخيـت
عـزوتـك عـنّـاز راعــي الـطّـايـلات
ويالاميـر الّلـي علـى العليـا نشيـت
جـابـر العـثـرات محـمـود الصـفـات
فـــي بـــلادك كـــل تـكـريــم لـقـيــت
والنـشـامـى ماكـتـفـوا بـالـواجـبـات
بالكويـت أعطانـي الشعـر وعطيـت
وبالكويـت الشعـر لـه طعـم وحــلاة
(الامير خالد الفيصل)
ـــــــــــــــــ
كرامتج تبقى
ياكويت تفداج الخرايط والاوطان
وتهون لامجادج تواريخ وسنين
وترخص على شانج توابيت واكفــان
ويحـلى على رملج نزيف الشرايين
ياكويت حنـا للشدايـد والاحزان
جينا عشان نموت وانتي تعيشين
كرامتج تبقى وتحفظ وتنصان
وان ضاعت نفوس العرب وماتضيعين
اللـه خلقنـا للعداوات عدوان
وصـدورنا تبرى بطعـن السكاكيـن
ولو ضرب حسـادج يزعزع بالابــدان
حنــا بضربـه نقسم الجمع نصين
وان كانهم وسط الميادين قشران
حنا القشــر فينا بليا ميادين
واذا الحميه فيهم حميه اخوان
حنـا حميتنا حميــه مجانيـن
للهـرج ميـدان وللافعال ميـدان
وللمجد درب وللشهــامه عنــاوين
وللفخــر ناس وللتواريخ بيبان
وللموت سوق وللتجارب براهين
(حامد بن زيد)
ـــــــــــــــــ
زبن الضعيف
يالله يا خالق شداد السماوات
والمزن فيها واضح و متعلّي
يا مرسل أحمد ختام الرسالات
سلم عليه بكل حين و أصلي
واخترت وقت صافي بين الاوقات
والهم به عن لمس بالي مولي
واجلس واسطر يا حمد هاك الابيات
من جوف قلبي جبت قاف حصللي
مدح كما زهر الفياض المحلّات
وروض عقب سيل المزان متحلي
لأهل العقول المسنعات الثقيلات
زبن الضعيف ليا لفاهم يحلّي
طيور شلوى و المواقيف صعبات
لا جيتهم تلقى وجيه تهلّي
مرحب وسهلا مع وناسه و ضحكات
وسوالف عن هم بالك تسلّي
أهل الكويت اهل الكرم و المروّات
من طيبهم قعداتهم ما تملِّ
هم عزوتي هم لابتي بالملمّات
راسي بهم شامخ ابد ما يذلِّي
بعيونهم مثل اللهب للعداوات
وهمّال سحب للصداقة يهلّي
حمر البيارق لا ثنوا بالكريهات
و طير المنايا مقبل ما يولّي
وشيوخهم أهل القنا و الصعيبات
آل الصباح و مدحهم لازمٍ لي
(( بن دعيج ))
ـــــــــــــــــ
صباح الاحمد
الله يحفظ حاكم الشعب والدار
اللي حكم شعبه بنفس رحيمه
صباح الأحمد شاع ذكره بالأقطار
مقر بيته والمراجل مقيمه
نقول له يا شيخ لو صار ما صار
أنت الحكيم اللي فعوله حكيمة
يا شيخ لك حشمة وقيمة ومقدار
في حاضر الأيام وإلا القديمة
خمسين عامً للمهات مغوار
ومعك العضيد اللي عسى الله يديمه
نواف الأحمد راعي الشور والكار
الساس وافي والنوايا سليمة
مبروك يا دارن عليها الدهر جار
وبأمر الولي عاد الغريم للغريمة
من واحد وستين والدار بعمار
يوم استقلت من كفاح وعزيمة
وعم الرخا دار المعزة والأحرار
وعدوان داري جعلهم للحريمة
وتسعه سنين اليوم مرت كالأنوار
أنوار تجلي بالسماء كل غيمة
يا أميرنا حبك ترا سر وجهار
والشعب يفدي حاكمة دون قيمة
وأنهى قصيدي مع جزيلات الأشعار
الله يقفي سيل داري بديمه
(الشاعر/ عبيد غازي العتيبي)
ـــــــــــــــــ
حنا معك
يا سيدي يا أبوي يا أبو الكريمين
يالوالد القائد ويابو الجماله
يابوح شاعر قبل يبدى ف بيتين
في شعره اللي جاك حامل رساله
عنوانها حنا على العهد باقين
ومن ينهبل فينا نعالج هباله
حنا معك (( يابو ناصر )) على الدين
كلٍ يلوح بالسعد لك عقاله
لو ينقسم طيب (( العرب )) بين قسمين
(( صباح )) طيبك (( بالعروبه )) لحاله
يشهد لك اقرب جار واللي بعيدين
حتى اليتامى قالوا (( آحنا عياله ))
(( يالعود )) شعبك للقشر دوم ضارين
الحكم واحد والبلد راس ماله
دام أنت وافي أبشر بناس وافين
ومن يذكرك يا شيخ ماضاق باله
يازارع الضحكه بثغر المساكين
العز أسمك وأنت عمه و خاله
ماهي غريبه ياحفيد السلاطين
عطاك عدّل حال ماهي بحاله
تسلم وتبقى فوق كل العناوين
يالوالد القائد ويابو الجماله
(( كلمه آخيره )) حطها بين قوسين
أسمع صدى البيت الأخير بجزاله
من قابلك ياشيخ ماهو بمسكين
ولا تنشده من بعدها كيف حاله
(للشاعر/ احمد سليمان الرشيدي)
ـــــــــــــــــ
في سمانا
في سمانا لاح نورك ياصباح
في مقاليد الحكم وأنت الأمير
ياسياسي مخضرم ودربك كفاح
فطنتك معروفة وانت صغير
كم تحديت العواصف والرياح
شامخ الهامة ولاتخشى خطير
أنت مديت الأيادي للصلاح
وحنا خلفك للبلد نسعى بخير
وبو فيصل لك عضيد ولك جناح
شيخنا نواف ابو قلب كبير
ياسلالة عز وطيور الفلاح
ديرتك تستاهلك وأنت الأمير
(خالد المريخي)
ـــــــــــــــــ
أميرنا
أميرنا أمير الإنسانيه
غرّد بها طير الفلاح
حامي الديار اليعربيه
تسلم بوناصر يا صباح
لكويت يا دار أبيّه
قصة مجد قصة نجاح
دستورها حب وحميه
بين الشعب وآل صباح
إشهدو لها بالإنسانيه
وأميرها حاز الوشاح
صباح يا هامه عليّه
إنجاز تاريخ وكفاح
ونواف أبوفيصل خويه
لا ثارت شرارات وأقداح
والشعب متضامن سويه
بالفعل لا بهرج وصياح
إخوان هم راعي ورعيه
إن ما دعا الداعي وصاح
وبيرقنا وألوانه البهيه
في عهدكم علا ولاح
عز وفخر وسمعه قويه
فاقت هبوبات الرياح
واللي يبلاها بليه
ماله سوى طعن الرماح
هاذي وصاة الأوّليه
الكويت تفديها الأرواح
عهد جرى ورب البريه
ما يحكمك غير الصباح
لافي العجمي