أموت من فرقاك و أموت بلقاك
و أموت من جورك و أموت بحنانك
كلٍ قضاه يموت مرّه و يفداك
و أنا أموت ألفين مرّه عشانك
أذكرك لا مني نسيت إني نسيتك
أنساك لامني ذكرت أنساك
رضيت أنا بالهم لرضاك مرضاك
و ارخصت لك قلبٍ جرحته و صانك
أجيك في صدري عتاب و ابجفاك
و أرجع ألوم الوقت و أقول خانك
أحب فيك احساسي إني بلاماك
في عز خوفي منك أحس بأمانك
عجزت أفرق بين وصلك و فرقاك
ياللي عطيت الناس بيدك عنانك
مر تجيني لين أقول إني إياك
و مر تروح بعيد و انسى أوانك
أقبل و تقفي و اعتذر عن خطاياك
و أقول ما عييت عيا زمانك
و إن خانتك دنياك أو خنت دنياك
إرجع و تلقابي مكانك .. مكانك
طلال الرشيد الملتاع
نويت السفر عنكم ولكن فمـــــان الله
عسى الله يجازي الذي سعى في مفارقنا
وداعن بليا صوت جدوى المحب ابكاه
وهـــــــز الهوى غصنا المحبين واشتقنا
نويت السفر مجبور يانحل المـــــــتناه
لنا البــــــــــــعد عن دران به النار تحرقنا
بنينا محبتنا اللين ارتفع مــــــــــــــبناه
ويا للأســـــــــــــف بأ خر زمن ماتوافقنا
خسرنا هونا اللي بنيته انا ويــــــــــاه
انا والقـــــــضي برموش الاعيون تعلقنا
تحير قدم رجلي عن المشي وويـــــلاه
وبكتب جنـــــــــوني في طواريف مفرقنا
وقفيت من عند الحبيبه وانا اقــــول اه
وياليتنا مــــــــــــــن اول لقاء ماتعاشقنا
كتاب المحبه في ايدينا ولا نــــــــــقراه
ولكن يكـــــــــــفي جاري الدمع مغرقنا
عهدناعهدنا لا نبيحه ولا ننـــــــــــساه
ولو باقبنـــــــــا بحرن بنا عرض ماذقنا
عطيتك دليل الحب وانته بعد عــــطناه
على شــــــان طول الوقت نذكر امعانقنا
بقينا دواحم نتميبه ولا نــــــــــــــــقواه
عديم المـــــــــــــحبه ياحبيبي امضايقنا
الشاعر / حجاب بن نحيت الحربي
لاتنشدين الغصن وش فيه ذاوي
مليت اجاوب كل من صاح نشـاد
هذي مواري علتـي والبـلاوي
وهذي مواري دمعتي حزن وحداد
هذي جروحٍ مبطيـه يامضـاوي
دايم عليها تنزف اجروحٍ اجـداد
جرحٍ عطيبٍ وازرق الدمع كاوي
وليل الشقا يضرب على خافقٍ باد
جرح الزمن اصبح لقلبي مخاوي
مثل الرفيق اللي عن الدرب ماحاد
اسير قلبي في همومـه شقـاوي
كنه سجينٍ سيق للمـوت منقـاد
لاعاد له ضحكٍ ولا له شقـاوي
ولا له مع العالم تباشير واعيـاد
بين الظلوع يجر صوته خـلاوي
يغني جروحه شقى .. هم واسهاد
وش حيلته لاصار طيره نـداوي
الوقت جايـر والمخاليـق نقـاد
الشاعره فاطمه المطيري
( غربة الروح )
رضيت بالحزن عمر وبالمواجع خليـل
وقدرت اعيش بحيـاةٍ باهـتٍ لونهـا
عودّت نفسي مدامي جيت عابر سبيـل
كل ما دهتني مصيبـه قلـت ياهونهـا
عاصرت من دورة الأيام شـيٍ مهيـل
ومريت بـدروب غيـري مايمرونهـا
من كثر ماشلت ماباقي بجوفي مشيـل
روحي تدور معيـن ولا لقـت عونهـا
كم شجرةٍ جيت أدور لي تحتهـا مقيـل
وحتت ورقها وعرّت فوقي غصونهـا
واليا رميت الهموم بسهم صبراً جميـل
اما يجـي خلفهـا والا يجـي دونهـا
اسمع بصدري صياح وهمهمات وعويل
وأردهـا خايـفٍ لا النـاس يوحونهـا
من غربة الروح ضيعت الهدى والدليل
وخطاي تاهت ولابـه مـن يقدونهـا
نهاري أعتم وليلي بالتعاسـه طويـل
الكون مشرق وروحي مظلـمٍ كونهـا
هذي علومي بعد فقد الظـلال الظليـل
مالي من الدور خاويهـا ومسكونهـا
زهدت في عيشتي بعد ام طرفٍ كحيـل
ياليتي ادري بتالي الوقـت وشلونهـا
عهدي بها يوم تروي قلبي السلسبيـل
من قيظ الأيام توردني علـى عيونهـا
وتفيض في قلبي الظميان شوق وتسيل
وأروى ولا أروى وأعود أظما لماعونها
وان سولفت كني أسمع للحمايم هديـل
وأقوم أغنـي لهـا والاحـي لحونهـا
كان اختصار الأنوثه في جسدها النحيل
يلغي جميع النسـا بعيـون مفتونهـا
كنا سوى والزمن بالوصل مده جزيـل
ذقنـا حـلاة الحيـاه اللـي يقولونهـا
ومن ذاق قلبه حنان منقضات الجديـل
والله لتشتالـه الدنيـا علـى متونهـا
وانا بعد ما أهتنيت أقفت وحل الرحيـل
وياويل حالـي ليـا قامـو يطرونهـا
بابقى عليلٍ يحركـه النسيـم العليـل
لاهب في قاع روحـه جنـت جنونهـا
ومادام راحت مابي من حلمي الا القليل
أن عشت في قلبها وان مت فعيونهـا
للشاعر الرائع / مرزوق الروقي
****
تجيني بعـد مـا حبيـت غيـرك
حبيبـي ليـه هاللحظـة تجينـي
حسايـف تـوك تغيـر مسيـرك
تجي يوم انطفت شمعـة حنينـي
صبرت سنين أبي صحوة ضميرك
ولا فكرت في اللي صـار فينـي
زرعتك ورد واشتقـت لعبيـرك
خسـارة مالقيتـك فـي يمينـي
بكيت من العطش وأنـا بغديـرك
شربت من الظما دمعـات عينـي
عشقتك صوت وأحيانـي أثيـرك
وضاع الصوت ما بينـك وبينـي
سقى الله ما مضى وأيـام خيـرك
على قلبك واعـرف إنـك تبينـي
أكيـد اللـي تخيلتـه عشـيـرك
نساك وجيت مكسـور وحزينـي
تحسب إنـي مثـل أول أسيـرك
علـي تغلـط بلحظـة تحتوينـي
تذكر يـوم قلبـي مثـل طيـرك
على كيفك ورايـك كـل حينـي
عطيتك كل مـا يملـى نظيـرك
وعز اللـي تمنـى مـن سنينـي
تذكـر ليلـة القمـرا سمـيـرك
وتعرف قدر حبـك يـا ظنينـي
عيون الشمس تعرفنـي سهيـرك
بقايا الليـل نجمـة فـي جبينـي
حبيبي بالعتب مـا أحـب أثيـرك
غلا ماضيك فـي قلبـي وعينـي
أنا بالعكـس يزعلنـي مصيـرك
أنـا جربـت جـرح العاشقيـني
هويت إنسان عوضنـي كثيـرك
عطاني كل عمـره فـي يمينـي
ولو تفرش الـى بيتـي حريـرك
أنا مـا أبيـع واحـد مشترينـي
****
ياقلبي لا تكثر عليه شطونك
أشقيتِ حالي في سعادتك وارضاك
لك مدةٍ ياقلب ِ كثرت لحونك
ولانيب واللهِ داري عنك وش جاك
إن طعتني فالناس لايسمعونك
واسمع كلام محب لك يوم وصاك
ترى العرب في سجتك ينقدونك
واستح من العاقل ولوشفته اغلاك
ياقلب حب الناس لا يبغضونك
واصبر على الجاهل اليا من تبلاك
ومطارد المقفين لا يتعبونك
انسه مدام انه من القلب ينساك
الناس سايرهم ولو يزعلونك
واصبر على جارك ولو شفته اذاك
بالخير ملزوم العرب يذكرونك
واوزن قدم رجلك على قدرة خطاك
واحذر تجي في مجلسٍ ما يبونك
لوكان منهم واحدٍ قام حياك
واتعب لفعل الطيب للي يجونك
وعامل عميل الطيب بالطيب لاجاك
واصبر على المقسوم والله بعونك
ولا بد ماتجري صواديف دنياك
واليا مشيت الدرب فتح عيونك
واسلك طريق الحق والرب ما اغواك
الشاعر/ مرير الحبيل العتيبي ..
ماني بمن ياتي و لا يدرى به
شطرٍ حفظته ما اعرف كتابه
شطرٍ يناسبني لمثل الليله
و آشوفني في ذا المكان أولى به
أباتكل بالله و نعمٍ بالله
اللي ما يوصد دون خلقه بابه
باقول و اللجنة تقيم قولي
و من كثرة الشعار ماني آبه
الحمد لله واثقٍ من روحي
و إن كنت ذيبٍ فالرجال ذيابة
ما أقول أنا أشعر واحدٍ في العالم
لكن قصيدي كفو و أنا ادرى به
الشعر جمعنا لو تفرقنا
حدودنا و ظروفنا الغلابة
الله يبيض وجه راعي الفكرة
عز الله انها تنحسب لحسابه
و الله يبيض وجه من يرعاها
محمد الله يحفظه لأحبابه
محمد ولد زايد عريب المجنى
ولي عهد الديرة الخلابة
الشعر تاريخٍ لنا من مبطي
و إعلامنا يوم السنين نهابة
الشعر بيتٍ و الوزن عمدانه
معناه طنب و قافيته حجابه
الشعر وادٍ فيه صيدٍ واجد
و كلٍ على الوادي يهج ركابه
و الأفكار صيد و كل شاعر قانص
و كلٍ يدسم شاربه مخلابه
أحدٍ خياله حر .. و أحدٍ وكري
و أحدٍ خياله كوبجٍ بقطابه
و أنا خيالي كل ما هديته
حول على الوادي و صاد عقابه
شاركت أمثل ديرتي و ربوعي
و كلٍ يمثل ديرته و أقرابه
و الله إلى الله راد و الله قاله
إني لاسلمها الفخر و كتابه
داري قطر و أنا هنا أمثلها
المجد مطلوبي و أنا طلابه
عهدٍ علي إني لاشرف داري
ترْك صبيٍْ ما يعز ترابه
شوفوا دمي من حبها عنابي
و حماستي من ضوها شبابه
شاعر خليجي و العروبة بيتي
و البيت ما ياقف بدون أطنابه
و إن عودت بين القبايل فزعة
أنا أشهد أن لي في اللوازم لابة
لي في القبايل ربع .. و أقدْرهم
ماني بمن يجهل مقام أصحابه
و إن عودت لأصلي فأنا أصلي مرْي
من صلب يام أهل القنا و خضابه
قومٍ لنا فوق المعالي بيرق
و السيف قوة سلْته بنصابه
الشعر طوْقني و أنا طوْقته
قمت آتمشى به و أفك أبوابه
يا بنت ياللي تفرقين بعودش
ما ألومهم لا كثروا الخطابة
لا مر بش دربش على خلق الله
قالوا كذا .. بالإصبع السبابة
زينش يزينه فعل أبيش و جدش
و أنتي بدورش للنقى كسابه
قومي تباهي بي و فلي راسش
عليش من ستر الشرف جلبابه
و إن ما سترتش بالفعول و باسمي
فعقبني الفنجال يا صبابه
بن فطيس
كتبت الشعر من قلبي وخطّيته
على صفحات تنزف حبرها الدامي
كتبته.. والشعر من يوم ناديته
لفاني.. وحطّ معنى القاف قدّامي
وانا من خيرته طبت وتنقّيته
وميٍّزت الحروف بلحن وانغامي
وجاذبته ..وخفّضته.. وعلّيته
ورتّبته.... وخطّيته بالاقلامي
ولي ما يستوي بالشعر سوّيته
وفي شعري تحقق كل الاحلامي
عطاني الله زمامه ثم تلّيته
وطاوعني ولا يرفض لي أحكامي
ألا يامن على العربان بدّيته
وعن غيره تميّز ريم الاريامي
فلا شفت الذي مثله ولا ريته
كمَل والكامل الله رب الآنامي
ألا يامن فوادي الميّت أحييته
بطيب القلب مع أخلاق الاحشامي
وكل الحسن عن غيرك تولّيته
حرام .. اترك لهم لا اتصيبك آثامي
كتبت الخط لك صافي وعنّيته
جداكم يا سليل الناس الاكرامي
كتبته ومن دعاني الشوق لبّيته
وانا من لي سواكم يسعف آلآمي
أنا لولاك باب الحب ما جيته
ولا غامرت في بحره الذي طامي
ولا سجلت به نبضي وغنّيته
على ألحان قلبي المولع الظامي
وذا العالم على شانك تحدّيته
ولا همّتني احدوده والايامي
وهذ الشعر في حرفه وفي بيته
كتبته من معاني شخصك السامي
وكفّ الشعر لك بالحب مدّيته
تفضّل ذوق طعم الحب واهيامي
لأنك صرت له الاسباب ناديته
وهذا ردّ فعل القلب ما ايلامي
****
الـــيــــوم يــابــنـــت مـــــــن زيـــــــي
الشـمـس وردت عـلـى ضـيــي
جيت انتخي بالوجيه البيض
يــــا عــزوتــي يــــا بــعــد حــيــي
الـجــادل الـلــي حـلاهــا غــيــر
ضـيـعــت فــــي شـمـسـهـا فــيــي
بـعـيـونــهــا سـلـســبــيــل رمــــــــاح
والــــمـــــوت بـــالـــســـود مـــهـــيـــي
موت وانا امـوت انـا بالمـوت
كــثـــيـــرهـــا غـــــــــــرق شــــــويــــــي
لاقــلــت تـكـفـيـن قــالــت جــــاك
وان جــيــتــهــا فــــجــــأه تــعـــيـــي
ولا قـلــت مـالــي ومـــال الـغـيـد
قـــالــــت وهـــــــم بـيــنــهــم زيــــــــي
وان قلت انا تبت مالـي كـار
مـقـفــي زمـانــيــن عـــــن غــيـــي
قــالــت وهــــي تـلـتـفـت لـلـنــاس
طـــــلال مــوتـــه عــلـــى ايــــــدي
للشاعر الراحل طلال الرشيد
ابكي واصوت ياهوى البال:وينك
ليتك تجاوب صرخة الميّت الحي
مشتاق لك ودي تعـاود حنينـك
جعل الموده تجلب لعيني الضـي
دامك صغير اغنم حلاوة سنينـك
وراع الوشايه لانوى يقربك عي
الموقف اللي صار بيني وبينـك"
انسه ترى والله مايعتبـر شـي
عالج جروحي في طراوة يمينـك"
ترني مريض ولانفع جسمي الكي
سحر الغرام اللي بنظرات عينـك"
ماظنتي يقدر عليها جبـل طـي
به جاذبيه شكّلت نصـف زينـك"
قتلت الشهيد اللي توفى وهو حي
الشاعر / عثمان المجرااد
صحيح انك معي غالي وتملك قلبي ووده
صحيح انك أمل عمري واحبك حب ماله حدود
وانته الحب تدري به وتعرف جزره ومدَّه
يفوق الوصف والمعنى وشعري والحروف شهود
ولكن لو تمادى حد منّا ينقلب ضدَّه
وتتغير موازينه ويصبح شي هِبْ موجود
أنا بَقْدَر على قلبي مع الأيام باردّه
بسخِّر عزمي وصبري عسى الله يحقق المقصود
ترى ضاقت بي ايامي وصبري قد وصل حدَّه
انا ملِّيت من نفسي واخاف انه الأمل مفقود
تعب قلبي تعب فكري تعبت وطالت المدّه
أطالع ظلمةْ مزونك وأتمنّى الربيع يعود
أريد ارض المحل تزهر وأقطف منّها ورده
واقدِّمها لجل عينك هديَّه والسلام يسود
أريد السعد يبقى لك حليفٍ ثابتٍ وعده
يضمَّك بالغلا قلبي وتبقى في هنا وسعود
اريد ايامنا تضحك بوقت اللين والشده
وتتبسَّم ليالينا على ورد وروايح عود
عسى ربِّي يوفِّقنا وباب التفرقه يسدّه
وتبقى لي أمل عمري واحبك حب ماله حدود
الشاعره مطلع الشمس
يا غـــالية جــــيتك مـــن الشوق ولهان
ما أطيق أشـــوفك يا حيــــاتي حزينه
من يعترف مســموح لو كان غلطان
وشلون لا صـــرتي روحـــه وعينــــه
لو نختـــلف نبقى حبــــايب وخـلان
أنا رهـــين الشـــــوق وأنتي رهينـــة
المنتصـــر في كل الأحوال خسران
مهمــــا يكـــــون الحــــال بينــك وبينه
دنياي ما تســـوى وخـاطرك زعلان
لا ينشغـــــل قلبــــــك ولا تــجرحينه
يا غـــــالية قدرك على الراس ما هان
لا عــــــاش منهــــو يا حياتي يهــــينه
يا غــــالية بفـــرح لو كلــــي أحزان
من شــــان عين قــــال تكــرم مدينه
أنـــتي وأنا روحين في داخل أنسان
أنــــا يسار القلب وانتـــــي يميــــــنه
شعر / محمد البراهيم
برنس لكن فقير وما معاي فلوس
لكن حياتي على ما قيل مستوره
مادام مالي بقاع الدين درب ودوس
ماهمني لو يضيق الوقت في جوره
فواز وينك وانا بك قد وطيت نفوس
مرضى بساحة شعر ونفوس مغروره
اقرب ومثلك بقربه به روس
واسمع حكاية خفوق تلته سنيوره
بنت تحب القصيد وتلعب المنكوس
علما بأنها تعفس الوزن وبحوره
مرة تجيده وبعض احيان تحوسه حوس
واليا انشدتني اقول.. الله شطوره
علمتها من دروس الحب ياوي دروس
وشلون تملك هوا الخفاق وشعوره
وهي علمتني اعرف اللي ورا الكالوس
وشلون تقطف يدي طلعه مع زهوره
غنجة.. وورعة.. ومشيتها كما الطاووس
ريحة شذاها تدوربي مية دوره
مذكر في مرة جلسنا جونا معكوس
دايم رياض المشاعر فيها ممطوره
اثمل ولاني من اللي يصقعون الكوس
اليا نظرت النحر ها وضيقة ازروره
واليا احتواني دفاها واعتلى الناموس
اشعر بأني ملكت الكون وبحوره
لا يابعد شوفت النمام.. والدنفوس
اللي يحبك لجل حاجات معثوره
لاجاك فسر بذرعانه وخمك بوس
خشمك وعينك وراسك بيتك وسوره
يضحك بوجهك وبظهرك يحد الموس
لحم الاوادم ابد مافك حنجوره
يالله عفوك عسى مالي معاه جلوس
والنفس ماهي على شرواه مجبوره
والضرس لامن بلاه الله بنخر السوس
يشلع ولابه دواعي تشور دكتوره
الشاعر فيصل العدواني
لــــي مــتــى قـلــبــي أســيـــرك
لـــــي مـــتـــى عــيــنــي تـــهـــلّ
لـــي مـتــى أبـكــي هـجـيــرك
وأنـــــت يــمـــي لــــــك مـــحـــل
أرتــــــعـــــــش الله يــــجـــــيـــــرك
قــلــبـــي الـــلــــي مـــــــا يــــمــــلّ
يـشـتـكــي قــســـوة ضــمــيــرك
كـــيـــف تـخـدعــنــي وتـــحـــل
ونا مـا عطـيـت الـحـب غـيـرك
وأنـــــت تـــجـــرح مــــــا تـــمـــلّ
لا تقول لي ما أبي غيرك
الـكـذب مــــــا يـــكـــتـــمـــل
عــــــاذلٍ مــــــوّت ضــمــيـــرك
مـــبـــعــــدٍ عـــــنـــــه الـــخـــجــــل
مــــا لــــه إلاّ فــــي عـشـيــرك
طــــعــــن وســــيــــوفٍ تــــســــلّ
وأنــت راضــي بـــه يـشـيـرك
كـــيـــف دربــــــك مــــــا يـــــــزلّ
يـــا حـسـافـه طــــار طــيــرك
مـــــدمـــــيٍ جـــــرحـــــه يـــــهـــــلّ
وانــطـــفـــى نــــجــــمٍ يـــنـــيـــرك
وأنــــــا بــــــي حــــــلّ الأجـــــــل
كـــثّــــر الله ألـــــــف خــــيــــرك
تـــهــــدي الــــمــــوت بــعـــجـــل
كلمات : فهد بن مشعل